Daniw Ti Umili (01/27/2014)

DATON KEN APO MAMMANDAY

Ala arunam ta uging ni tarigagay
Ket dimu itulok daytoy a matay
Pabeggangem nga awan sarday
Ala begbegem parmeken
Pagbalinem dayta nasikkil a landok
A kas natadem a buneng
Bay-am agtedted dayta ling-et
ngem dimu itulok a masebseban dayta tarigagay
A kas ti sawed ti tadem ti buneng nga inka pinanday
Ala dim ibain dagita lapitog ta dakulap
Ta dayta ti tanda ti kinasalukag
Arunam ketdi ta naslag a tarigagay
Ket inka idaton ti obra maestra nga inka pinanday

Advertisements