RSS

Daniw Ti Umili (02/03/2014)

11 Feb

peoples action masthead final jpeg

BAGGAO

Wen ili nga innak nakaipasngayan
A timmaudan panunot ken adu a kapadasan
Nu subliak ti naglabas a panawen nga adda nak iti dennam
Nawadwad ti makan iti adu a parabur iti nakaparsuaan
Adu ti bunga daguiti kayo ken lames kadaguiti waig ken pekkan
Daguiti bakir a taeng ti alingo, ugsa ken abuyo ket malagip ku
Panaganup ket pagbiagan ti adu a kapatad ku
Nadalus a danum diay waig a pagdidigusan ket mabalin pay a paginuman
Nalamiis ti angin uray panawen pay iti igaaw
Ta uray bulan iti Abril ket napuskol pay ti linnaaw

Daguita ket palagip lang iti agdama a sasaaden ti umili
Pagbasaran a mangtakuat iti pudno a takder daguiti maingel
Daguiti naaddaan iti tured a nangadal ti ramut ti risiris daguiti dasig
Daguiti nagpanunot iti pamuspusan iti wagas iti panangsalaknib
Daguiti nawaya nga agtignay a mangsirpat iti masakbayan
Daguiti addaan iti talek iti bileg ti panagkaykaysa
Ken kadaguiti dadaulo nga a mangar-aramat iti demokrasya a kalasag

Wen ilik ket sublian ka ita a nawaya
Inawen nak kuma tapnu rumkuas nak to manipod iti daga
Salimengmengam kuma daguiti bukel tapnun napintas to ti busel da
Daguiti rangkis ket saan mu kuma itulok a marba
Daguiti naiwawa ket salinungam ida kadaguiti nagango a sanga
Urnungem ta nakiddit nga ubbog mu tapnun agdaranudor to a bumaba
Daguiti ringngat ket aglunit to nu mabasa iti ling-et ti daga
Agiikkis to daguiti ayup, agsalanto daguiti sanga ken addanton saniweng ti angin
Ket agleggak to ti rigat ta sulnipan ti agbannawag a panagwaywayas

 
Leave a comment

Posted by on February 11, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: