RSS

Timek ti Barangay 2nd District (03/24/2014)

01 Apr

peoples action masthead final jpeg


Timek Ti Barangay

ARSENIO “ASIONG” DELA PEÑA
PRESIDENT TAGGAT NORTE FISHERFOLKS

Ni Arsenio “Asiong” Dela Peña ket nagaget, naanus ken nasuerte no panagkalap ti pagsasaritaan. Nalaing nga agimbento kadaguiti usaren na a agkalap. Idi tawen 2006-2007 nakisalip isuna ti gawad saka nga inisponsoran ti departamento ti agrikultura ket isu ti nangabak ti provincial, ken Regional ken nagbalin isuna a First Runner Up ti National Level. Ken idi tawen 2012 isu pay ti Provincial ken Regional Level a kas Fish Warden Awardee. Kasta pay itay laeng tawen 2013 nakisalip manen ket isu ti nangyalat a kas Provincial Regional ken isu ti nagbalaigi a National Gawad Saka Awardee iti Fish Capture Category. Nagun-od na pay ti premyo a P150,000.00.

Naorganisa ti taggat Norte Fisherfolks Association idi July 18, 2011 babaen ti pananilungalong ken suporta daguiti staff ti Municipal Agriculture Office (MAO) ken ti Bureau of Fisheries and Aquatic Resources (BFAR). Iti pannakabukel daytoy nga organisasyon napili ni Asiong Dela Peña a president ket addaan iti miyembros iti agdagup 74. Daytoy nga Fisherfolks Association ket buklen na daguiti agkalkalap, agtagikua kadaguiti bangka ken daguiti aglaklako ti ikan iti barangay Taggat Norte.

Nagasat ti barangay Taggat Norte ta napili ti Fisherfolks Association ta naikkan ti dakkel a tulong ken suporta manipud kadaguiti naduma-duma nga ahensiya ti gobyerno. Ket dagitoy daguiti sponsoring agencies: DENR, BFAR, ADB ken GEF tapno maipatungpal daguiti proyekto babaen ti Integrated Coastal Resources Management Project (ICRMP). Itay laeng kallabes a Marso 14, 2014 naangay ti General Assembly Meeting a nagatendaran daguiti miyembros, daguiti staff ti Municipal Agriculture Office, DENR, BFAR ken MENRO Claveria, ni Asiong Dela Peña napanna inbinsabinsa  daguiti dadakkel a proyekto para iti asosasyon da. Umuna ti Rift Discovery Project nga aggatad P292,900.00 manipud iti DENR para iti snorkling ken diving. Mabalin nga rentaan daguiti nalaing nga agisnorkle ken agdive iti baybay. Maikadua ket ti Goat Raising Project agdagup met ti P381,650.00 manipud iti BFAR. Nailatang ti 50 heads a kalding nga taraknen da. Maikatlo ket ti Abalone Biodiversity Project manipud iti DENR met laeng agdagup pay iti P100,500.00. Dagitoy ket Livelihood Projects para kadaguiti kamkameng ti fisherfolks ti barangay Taggat Norte. Inyunay-unay ti Presidente da nga amin koma a  miyembros ket makikaysa da nga agtrabaho tapno naparpardas ti panaka-implementar ken panaka-ipatungpal dagitoy a proyekto. Naibaga pay ti MENRO ti Claveria Ms. Corazon Estorquia nga agpatingga laeng ti implementasyon na dagitoy a proyekto intono Hunyo 30, 2014.

Aw-awisen ni Asiong Dela Peña daguiti miyembros na iti pannakikaysa da nga agtrabaho tapno al-alisto ti implementasyon ken pannakaipatungpal dagitoy a proyekto. Naibaga pay ti MENRO ti Claveria ni Ms. Corazon Estorquia nga agpatingga laeng ti implementasyon dagitoy a proyekto intono Hunyo 30, 2014. Kalikaguman unay ti presidente da nga sapay koma ta maragpat da ti bunga dagitoy a proyekto tapno ti sektor ti agkalkalap ket dumur-as met ti panagbiag da, ti komyunidad ken ti barangay Taggat Norte.

 
Leave a comment

Posted by on April 1, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: