RSS

Timek ti Barangay 1st District (05/05/2014)

12 May

peoples action masthead final jpeg


Timek Ti Barangay

ISTORYA TI KABIBIAG DITOY BGY. PINOPOC, ALCALA, CAGAYAN

Ti barangay a Pinopoc, maysa a kapanglawan kadaguiti 25 nga Barangay iti Alcala, Cagayan, maibatay daytuy babaen ti MBN survey.
Tawen 1997, naangay iti launching program iti CIDSS ditoy Barangay Pinopoc, nga dinar-ayan daguiti nadumaduma nga ahensya iti Gobyerno naggapu  ti DSWD Regional/Provincial/Municipal (LGU), tapno pagpapatangan ken resolbaen daguiti nadumaduma nga problema nga pagpaspasaran daguiti lumugar. Babaen ti tulong ti Comprehensive Integrated Delivery of Social Services (CIDSS) Program, naipaay ngarud daguiti agduduma nga programa ken tulong nga naggapu kadaguiti nagduduma nga ahensya, babaen met lang ti tulong ti Department of Social Welfare and Development Office (DSWD) Regional/Provincial/Municipal (LGU) kas implementing agency.

Umuna nga inkam nasagrap isu iti Supplemental Feeding (SF) daytoy ket adda pondo na a naigatang kadaguiti kanen ti malnourish nga ubbing iti umuna nga innem nga bulan ken agtultuluy agingga ita, iti daytuy nga SF nasursurwan daguiti nagannak nu kasano da nga trataren daguiti taraon nga para ubing ket inkam nakita nga adu ti nagprogressuan iti salun-at ken kasasaad daguiti annakmi.

Maikadua, pannakapatakder ti Day Care Center, babaen ti CIDSS Fund tapno addaan ti napintas nga pagadalan daguiti ubbing.

Maikatlo, ti pannakapaang ti Educational Assistance, kadaguiti napili nga ubbing nga adda iti pre-school, elementarya, hayskul ken kolehiyo. Dakkel nga tulong daytoy kadaguiti agtutubo tapno inda maitulong ti panagbasa da.

Maikapat, ti pannakapatakder ti Water System, dakkel a naitulong daytoy kadakami nga bumarangay ta naaddaan kami ti  nadalus nga paggapuan ti danum nangruna ti inumen, para iti intero nga agindeg ti barangay.

Maikalima, naduma-duma nga ahensya ti  immay nangited ti adal ken kaammuan para iti panagmula ti nateng, pagay ken mais babaen ti panagaramat ti moderno nga teknolohiya. Kaammuan pay ti panagtaraken ti dingwen, panaglaga ti basket, panagdait, panagsaluad ti salun-at ken dadduma pay. Babaen ti tulong ti CIDSS Program, nasursuruan kami nu kasanu ti panagprioritized kadaguiti problema, panagpasayaat iti panagbiag mi ken nasursuro mi nga sabaten daguiti naduma duma nga problema ti Gobyerno.

Ket amin–amin daguitoy, maragsakan kami nga lumugar  ti agdama nga inkam masagsagrap, ken agyaman ti ad-adu pay nga inkam masagrap nangnangruna ti sumarsarno nga kapututan wenno henerasyon.

Ket ti sibubukel nga bumarangay ti agdios agngina iti pamilya ti madaydayaw nga ama ti Cagayan, ni Apo Gobernador Alvaro T. Antonio ken ti kaingungutna agraman annak da, ta babaen ti napintas nga liderato da, ket napatgan daguiti an-anek-eken ti sibubukel a bumarangay.

 
Leave a comment

Posted by on May 12, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: