RSS

Timek ti Barangay 1st District (05/12/2014)

19 May

peoples action masthead final jpeg


Timek Ti Barangay

PUNONG BARANGAY FLORENCIO C. CABALBAG, JR .
BGY. CATOTORAN NORTE, CAMALANIUGAN, CAGAYAN

Uso kadi pay laeng ti “TAGNAWA” wenno tay kunkunada nga “BAYANIHAN SYSTEM?” Ti Bayanihan System ket adu daguiti parnuayenna nga nasasayaat ken napipintas nga banbanag nangnangruna no daytoy ket para ti pagsayaatan ti kaaduan. Uray kasano iti rigat ti maysa nga banag no adda panagtitinnulong, panagtitimpuyog ken panagkaykaysa daguiti bumarangay, mapalag-an ken nadardaras ti pannakaisayangkat dagiti pagimbagan.

Dakami nga opisyal ti Barangay Catotoran Norte, Camalaniugan, Cagayan ket nakipatang kami kadaguiti maseknan nga bumarangay tapnu tumulong daguitoy ti pannakaaramid ken pannakalpas iti proyekto a “road concreting” babaen iti “BAYANIHAN SYSTEM” agsipud ta bassit ti pondo mi. Iti pagbutbutnganmi nga opisyal ti barangay nga negatibo nga sawen daguiti maseknan nga bumarangay ket napunas gapu iti suporta nga inpakitada babaen iti inyamongda ken panangisuhestiyonda nga mairugi daytoy nga proyektomi iti kabiitan nga panawen.Ket iti Pebrero 24 daytoy nga tawen, narugian ti nasao a proyekto nga “road concreting”. Iti ayat ken anep nga nakita mi kadaguiti agindeg nga tumulong ti pannakaaramid ti proyekto awan panagduduami nga maileppas daytoy iti kabiitan nga panawen.

Kadakayo nga kabarangayanmi, manipud iti sibubukel nga konseho daytoy Barangay tayo, iyabrasami ti naimpapusuan nga pinagyaman kadakayo amin iti panangitedyo ti “BIAG” wenno ti makunkuna nga “TAGNAWA wenno BAYANIHAN SYSTEM.”

 
Leave a comment

Posted by on May 19, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: