RSS

Daniw ti Umili (05/26/2014)

02 Jun

peoples action masthead final jpeg

 

KALAPAW NAPATEG KA

(Cesar N. Dela Cruz)

Nangipatakderak ti bassit nga umok wenno kalapaw
Ditoy likud ti bassit a talonko ditoy turod a tapaw
Tapno adda paglinongan no tiempo ti tudo wenno kalgaw
Ken adda met paglutoan ti innapuy, dinengdeng wenno inabraw.

Putek a bayog a kawayan ti nasangal a bayangbayangna
Bugas ti kayo a madrikakaw ti uppat a suli nga adigina
Tinidtid met nga bulo ken ginisla a kawayan ti talebna
Apagtangken met a pan-aw ti ingkabil ko nga atepna.

Sinigpit met a bulong ti silog ti kalub ti tawana
Sinigpit a putek a kawayan ti datarna
Natangkenan a kawayan met laeng daguiti dellegna
Agraman daguiti inaramidko a ballitangna

Adda met bassit a pataguabna a sumango iti daya
Nga isu ti mausar a pannakakusinan a
Paglutuan, pagdengdengan, paganiduan pay no dadduma
Ken mausar pay a pagiladan no agpalpaka

Napayupoy nga angin kasta unay ti pariirna
A danggayan daguiti uni ti billit a kasta unay ti ariwawada
Karitikit daguiti kuriat, bisbisteng lumanogtoda
Isu daguita tay nakunkuna nga orig a musika

Nasurok tallopulo a tawen iti naglabasen
Manipud daydi a tiyempo no innak lagipen
Impatakder ko a kalapaw innakto sublianen
Nga isu ti pangurayak ken toy bagi nga aglumen.

 
Leave a comment

Posted by on June 2, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: