RSS

Timek ti Barangay 2nd District (08/18/2014)

28 Aug

peoples action masthead final jpeg


Timek Ti Barangay

BGY. GUIDDAM, ABULUG, CAGAYAN

Ti Barangay Guiddam ket maysa kadaguiti kadadakkelan a barangay ti ili nga Abulug. Daytoy a barangay ket masarakan iti nagbabaetan ti ili a Ballesteros ken Sta Marcela, Apayao kangrunaan a pagsapulan daguiti lumugar ket panagmula iti pagay, mais, madumaduma klase daguiti nateng. Ditoy a lugar ti pakasarakan iti nalawa nga pagmulmulaan ti prutas a kas mandarin, kalamansi ken dragon fruit.

Ti ayat na a maitultuloy ti nairugi a proyekto  ti ama na ken  agserbi iti kalugaran na, maysa nga anak na ti nagdesisyon a mangipatuloy ti paddak ti ama na a nabayag met a nagserserbi a kas kapitan ti daytoy a barangay. Isu ni Punong Barangay Felix De San Jose.

Nagturpos daytoy ti kolehiyo iti Bachelor of Science in Rad-Technologist sadiay St. Jude College Manila. Sakbay a simmabak iti pulitika dati isuna nga empleyado iti Gobyerno Local ti ili nga Abulug iti nasurok a sangapulo a tawen a kas Municipal Nutrition Action Officer(MNAO).

Tawen 2013 idi napagasatan a nangabak a kas Punong Barangay ti daytoy a barangay. Bayat ti inda panagtakemna a pakaibilangan iti sibubukel a  konseho na, intultuloyna daguiti nairugi ti amana a ni Ex-Kapitan Cornelio de San Jose.

Kas maysa nga agdadamo nga agserbi kadaguiti bumarangay adu daguiti proyekto nga  inaramid da a pinunduan  ti barangay kas kadaguiti pannakapasilaw ti Guiddam Elementary School, Mini Gym ti Pinaron Elementary School, maysa a sitio iti daytoy a barangay, pannaka pabato ti dalan iti lima a sitio da ken panaka paada iti jetmatic a naipasdek iti lugarda.

Kas dati a programa ti ama na intultuloy da ti panagited da ti school supplies ken tsinelas kadaguiti narigat ti kasasaad na ti biag nga agbasbasa iti elementarya. Agtultuloy met latta diay Feeding Program kadaguiti malnourish nga ubbing ti uneg ti barangay. Naaramid da daguitoy babaen ti adu a tultulong ti maduma duma nga NGOs a naayat nga tumultulong iti lugarda.

Maysa pay a programa da ket isu ti para kadaguiti agtutubo iti lugarda kas ti panagadal maipanggep ti agtutubo, Teenage Pregnancy, Drug Addiction ken siempre panangsuportada maipanggep ti sports a paga-ayat daguiti agtutubo.
Iti kalkalpas a barangay fiesta ti barangay adu met ti naur-orda a pundo adda met ti naur-ur da nga pondo nga isu ti biningay bingay na para iti lima a sitio iti barangay da nga isu met ti ingatangda kas iti ramramit iti kusina, jetmatic, mono blocks a tugaw nga isunto met pagsusublatan iti lumugar kadagitoy a sitio.

Maysa kadaguiti plano da iti umay nga April 2014 isu ti makuna a Grand Reunion ti amin a nag graduar ti pagadalan ti Elementarya da. Pakabilangan nga aktibidades da isu ti Medical Mission, Tree planting ken Marathon.

Dakkel met ti panagyamanda kadaguiti adu a nangiyatnag ti tultulong iti barangayda kas  tulong pinansyal a  naggapu iti provincial government nga idauluan ti ama ti prUbinsya ni Hon. Alvaro T. Antonio kas kadaguiti sumaganad; Pannaka pondo ti panakapasilaw ti kalsada iti barangay proper, Pondo a panakaituloy ti Multi-purpose Building, MPDP, Construction of Water System.

MangNamnama da ngarud nga agtultuloy koma ti ayat ket tulong pinansyal daguiti madumaduma a sekta ti gobyerno ken NGOs tapno maipatungpal da daguitoy nga  arapaapda a makatulong iti kalugaran da.

 
Leave a comment

Posted by on August 28, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: