RSS

Timek ti Barangay 1st District (09/01/2014)

18 Sep

peoples action masthead final jpeg


Timek Ti Barangay

BGY. ABBEG, ALCALA, CAGAYAN

Ti pudno a panagserbi ket aramid ti natan-ok nga mangaidaulo

Ni Kapitan Robert C. Paquing ket saan a maibilang nga  agdadamo no maipanggep ti panagsebi iti barangay a kas opisyal ta isuna ket nagserbi iti las-ud ti 9 a tawen a kas Bgy. Kagawad. Idi nalpas na ti maudi a termino na, nagtaray a kas Punong Barangay ket isu ti napagasatan a nangabak idi napalabas nga eleksyon.

Kadaguiti umuna a bulan iti panagtugawna, binuangayna daguiti naduma-duma a komite (Outstanding Committees kas kadaguiti sumaganad; Committee on Agriculture, Committee on Education, Committee on Health ken dadduma pay a komite. Nagnanayon pay ti members ti BHW, nagbalin nga pito (7) itan. Kasta met ti Bantay Bayan wenno Barangay Tanod 14 ti miyembro itan.

Adu daguiti arapaap na nga aramiden para iti pagsayaatan daguiti kabarangayanna. Kas ti pannakalukat ti maysa kilometro (1 km)  nga farm to market road tapno malag-anan daguiti mannalon kadaguiti rigat ken gastos da nga agbunag kadaguiti apit da manipod taltalon angingga kalsada.

No maipanggep ti edukasyon, nalpas itay nabiit iti pathway iti Abbeg Elementary School para iti pagsayaatan daguiti agad-adal nga ubbing iti daytoy a barangay. Idi no tiempo ti todo, nalubo ti pagnaan daguiti ubbing manipud kalsada agingga ti uneg ti inaladan ti eskwela.

Adda pay 3 km nga nabatuan nga barangay roads kadaguiti nadumaduma a paset ti barangay tapno napintas ti dalan a pagdaliasatan daguiti luglugan a sumrek ditoy a barangay. Napapintas pay ti alad ti multi-purpose building a dati ket dayya-dayyang. Madama met ti pannakapatakder ti maysa nga artesian well with pressure tank iti zone 7 tapno adda pangalaan daguiti taga zone 7 iti nadalus ken portable water supply da. Daytoy nga artesian well with pressure tank ket naggapu ti pondo ni Hon. Criselda I. Antonio, Mayor ti Alcala.

Mangnamnama daguiti bgy. Officials iti daytoy a barangay nga inton sumarsarono a bulan wenno tawen ket maaprobaranton daguiti adu nga barangay resolutions nga insumiter da iti prubinsya ti Cagayan-naglaon daguiti arungaing ken pakaseknan da iti bgy. Abbeg, kas koma iti imprastraktura a kas kalsada, padanum ken dadduma pay nga kasapulan daguiti lumugar tapno mapasayaat iti kasasaad ti kondisyon ti pammatmataudan da iti inaldaw-aldaw a pagbiagan.

No maipanggep ti urnos ken talna, iti uneg ti barangay mabalin nga ibaga nga drug-free ken mabalin pay nga ibaga a ti Bgy. Abbeg ket isu ti katalnaan nga barangay iti Alcala.

Daguitoy met apo ti Project nga nalpas iti las-ud ti 7 a bulan a panagtakem ni Capitan Robert C. Paquing;

Perimeter Fence ti Multi-purpose (Php57,000.00)
Artesian Well with Pressure Tank (Php50,000.00)
Abbeg Elementary School Pathway (Php150,000.00)

Adu pay ti sabali nga incamto aramiden a kas Barangay Officials para iti pagsayaatan ti barangay ken ti bumarangay babaen iti suporta ken tulong da Gobernador Alvaro T. Antonio ken Bise-gobernador Leonides N. Fausto.

 
Leave a comment

Posted by on September 18, 2014 in NEWS

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: