Timek Ti Barangay
BGY. CALLAO PROPER, PEÑABLANCA, CAGAYAN
Iti nagkallabes a panawen nalidem ti ladawan ti Callao Proper, gapu kadagiti saan a nasayaat a pagteng ken aramid a maikaniwas ti linteg kuna dagiti daduma nga agindeg idi kasla pagbutbutngan da ti brgy.Callao Proper,mainayon pay dagiti gulo ken kalukwan nga aramid dagiti agtutubo. Gapu kadagitoy a pagteng tinarigagayan dagiti agindeg ti panag talna ti uneg ti barangay.
Idi 2007 in inut a nagbaliw ti nalidem a rupa ti barangay, naglawag daytoy ket simmangpet ti baro nga agsapa ken rang-ay ti brgy. Callao Proper babaen ti pangtugaw toy nagaget a lider ken Ama ti barangay ni Hon. Merlyn Turingan.
Nakita toy natured a kapitan ti kasasaad ti barangay ket daytoy ti inikkan da ti proyoridad kadwa na dagiti amin nga opisyales ken ti tulong dagiti napili a miyembro ti Barangay Tanod dinawat da ngarud iti kooperasyon dagiti amin a lumugar ket saan da a napaay, iti kabiitan a panawen natalnan ti Brgy. Callao proper, naragsaken dagiti lumugar ket makapagpasyar dan ti uneg ti barangay nga awan pagbutbutngan da.
Mainayon pay a pakaragsakan dagiti lumugar ket ti panakaileppas dagiti naduma duma a proyekto a makaited ti pagsayaatan kadagiti lumugar babaen ti tulong ti naayat nga Ina ti ili ti Pena Blanca ni Hon. Marilyn Julia Taguinod, amin dagiti pakaseknan ken dawat dagiti agindeg ti nasao a barangay ket naiyasideg iti Ama Ti Gobiyerno Iti Umili ni Hon. Governor Alvaro T. Antonio ken Hon.Vice-governor Leonides Fausto gapu ta nakita ti Ama ti prubinsiya a kasapulan dagiti agindeg dagiti inyasideg a pakaseknan dina ngarud pinaay ida naited kadakauda dagiti proyekto a kalkalikaguman da kas kadagiti sumaganad; panakaipasdek ti Water system ken daduma pay a proyekto a sumaruno pay a maileppas.
Nakuna toy nagaget a Kapitan ta sapay la koma ta agtultuloy ti supotra ti Administrasyon Ti Taguinod ken Antonio iti barangay Callao Proper tapno agtultuloy ti talna ken progreso nga ararapaapen dagiti agindeg.
Mabuhay Gobiyerno Ti Umuli!
